شعر: جون كرم
رحت عا شط البحر بكير
كمِّش زبد إلعب مع الموجات
وإرسم على الرملات طفل زغير
وطفل الرمل إحكي إلو حكايات
وشفت البحر عملاق حدي كبير
قلت خبرني شو عندك هات
بلش يخبرني عن إساطير
وشعب إنتصر بس شعب غيرو مات
وناس بتزت الحجر بالبير
ونسيوا الوفا بالبير والميات
ورجعت إسمع لحن ومزامير
وفقش الزبد يرقص على الرملات
وبالجو مرقت جوقة عصافير
تزوزق نغم وترندحو ردات
وشفت حالي طير عم بيطير
عا كون ما تغني بحب الذات
حتى تا إنسى البؤس والتعتير
والملعني والأخ والآهات
هيهات نرجع شعب واعي نصير
ومش كل ما مرقت سنى منقول
هيهات عالماضي الحلو هيهات
