شعر: صباح غريب
وقول لي ازّاي تقول عاشق ؟
وفيه بينكم سبع أبواب
وأوّل باب تسمّي ﷲ
وترسم ف الأمل خطوات لبر نجاه
فتتمنى الرضا ف علاه
وتاني باب
تبات تتملى في المكتوب
تلاقيى الصبر فارد ريش
من أرضك
لباب في الجنه تستناه
فتعشق صبرك الساكن
لجاه مولاه
ووقت الآه
أكيد ترضى بقضاء ﷲ
وتالت باب
يدُقّ القلب ميت دقه
ولو زادوا كمان دقّه
ح يفتح لك بدون بوّاب
ورابع باب
حتتمرجح على الأعتاب
عشان قلب الهوى متصاب
وخامس باب
بتتوضى بضيّ العين
ف طهر الميهّ من زمزم
وسادس باب
تص ليّ ف الأمل صلوات
كما التسّابيح
كما التكبير ف يوم العيد
وسابع باب
دا باب يفتح جميع لَبواب
فقل لي ازاي تقول عاشق
بدون ماتخوض جميع لَبواب
وتتعافى على التيار
