شعر: جون كرم
تعا يا عمر إحكيلك حكايي
بما أني عا أرضك جيت سايح
اليوم مبارحة وأول صبايي
بهاجر من مطارح عا مطارح
بكتب واقعي بحبر الدوايي
وقصيدي بقولها فوق المسارح
ولما بفحص حروف القرايي
بفيق على وجع بالقلب جارح
بعمري عام رايح عام جايي
ما فرقت عام جايي عام رايح
صدقنا الحكايي من البدايي
وعملنا على القصة مدايح
ولما بعمرنا شفنا النهايي
ندمنا وكلنا صرنا نسامح
ولما شفت عمري بالمرايي
وعمر قادم وحدو عمر نازح
بفيلم العمر عم إكتب روايي
ولما الفيلم عالشاشة حضرتو
شفت اليوم شو بيشبه مبارح