شعر: جون كرم
كل ما علينا كل سنة بيمر عيد
منقول يا رب الخلقنا العيد عيد
وتمرق على كل الدني بخير العياد
ويبقى السلام مشعشع وعندو رصيد
ومتل الطفالي نلبس تياب الجداد
وما في حروب ولا شهادة ولا شهيد
بإنجيل وبقرآن هيك الرب راد
العمر لحظة وحق منها نستفيد
ويا طفل المغارة بإسم كل العباد
بعيدّك بالعيد يا طفل الوحيد
بحسن النوايا يكون في عنا مراد
بعيد الميلاد نقول ميلاد المجيد
وبطلب لإلكم يا حبابي من الفؤاد
صحة وسلام وحب بالعام الجديد
