شعر: جون كرم
يا ريس الشفتك عن بتحلف يمين
بخطاب قسم رح نذكرو لعدة سنين
بلبنان كل الناس بتشوفك بطل
تا تخلصو من مافيا الحكم اللعين
بلبنان في زعران من كل الملل
وصلونا عا جهنم أجمعين
كنا بماضينا الجميل من الدول
تصدر حضارة ومعرفة ومفكرين
واليوم صرنا بلا ضمير ولا خجل
نصّدر حبوب الكابتاغون وكوكايين
قتلو الحريري والبشير بلا وجل
ورينه معوض والبقية الراحلين
بنيتراتهم تفجير بيروت إكتمل
فجروها وعالشعب مش سائلين
إنتبه يا ريس الغيرك قتل
رح يجربوا يقتلوك بكل حين
للإغتراب وللوطن إنت الأمل
مغارة علي بابا يا ريس موطني
فيها كتير مخادعين ومجرمين
