شعر: صباح غريب
ماتصدقيش
لوقالولك
لوقالولك ع اللى فات
إنّ حبّك جوّا قلبى
في مهده مات
وإنّ عمرى اللى فات
كان شويه ذكريات
ماتصدّقيش
لو قالولك
لو قالولك كان فلاتى
كان بيتحوّل ليلاتى
وإنّ كانت ألف كلمة
يسكنو جوّا فى سكاتى
ماتصدقيش
لو قالولك شكله باين
إن مية جوّا قلبه يسكنوا
وإنّه خاين
لو قالولك إنّه سارق
كلّ قلب يمرّ جنبه يكون له عاشق
متصدّقيش
صدقي لمّا أقول لك
إنّ قلبي كان جنين
اتولد من جوّا قلبك في الهوى
ساعة ماشافك
