شعر: صباح غريب
لا نا يوسف ولا الصّديق
أنا عمري ماكنت بريء
بميل ويّا اللي متمايلة
تجيبني الضّحكة لو عالية
أتوه فيها وأقول طقاطيق
أنا بجري علي الفاضي
وعمري ف يوم ماكون راضي
بريد اللي ماهوش ملكي
ولو ملكي أقول عادي
ماهو ملكي ما لٌهش بريق
وعيني أيه هيملاها ؟
دا خلق الله يا محلاها
ما بين سمرا وبين شقرا
وانا قلبي شيطانه رفيق
بياخدني في كلّ طريق
يودّيني يرجّعني
يعيشني كما المخاليق
أنا عايش علي الهامش
وأحسّ إنّي يادوب عايش
أهي دنيا وبتعشنا
وفاكرين إنّنا عايشين
ما دام ناسي كمان ربّي
وفاكر للخلود رايحين
وناسي إنّ فيه آخرة
وإنّ على الميزان واقفين
