شعر: صباح غريب
ولا قادر ع البعاد
حدّ قالك حِبّ غيري
وانسى يوم كان فيه وداد
ولّا قلبك كان مطاوعك
ترسم الشّوق والسّهاد
تسكن القلب اللي حبّك
تهجره من غير ميعاد
ولا جالك حُبّ تاني
يشغل البال والفؤاد
لا ياعمري .. أنتَ قدري
لو يكون بينّا بلاد
اللي يسكن جوّا قلبي
يتصلب وقت الميلاد
أصل قلبي وشم مصري
يحضن النّاي والعباد
حد قالك تيجي جنبه
ترسم الأحلام في حبّه
تسهر الليل جنب منّه
تشغله وتحكي حكايات
قلت : أنتي حلم عمري
قلت : أنتي دعوة أمي
زلزلت كلّ البلاد
لو حتبعد مش حعارضك
بكرة ترجع تاني أرضك
تحمل الشّوق والوداد
تدخل القدّاس في قلبي
للصّلاة فيها ساعات
تطلب الغفران لذنبك
تبتهل تسجد لربّك
جوّا ضوء الشّمعة صورتي بتناديلك:
لعن حبّي صاب سنينك
أوعى يوم ليطول حنينك
اللي يسكن جنب قلبي
يتصلب وقت الميلاد
أصل قلبي وشم مصري
يحضن النّاي والعباد