شعر: صباح غريب
انسى اسمي
انسى رسمي
أنسى صوتي والمكان
أنسى أي حاجة بينا واللي كان
أنسي لحظة
طبطبت أيدي عليك
طيبت كل الجراح
أنسى ضحكي ويّا ضحكك
يوم في لحظة من البراح
انسى تعبي يوم لجرحك
لما كان بينّا السّماح
انسى فرحي يوم في فرحك
لمّا زيّنت المكان
انسى إنّي كنت بينكم
لو في يوم مَرّ الكلام
قول غريبة
قول غريبة عن حياتي
قول كمان معرفتهاش
وانّ طول عمري معاكم
مش حبيبة
لو لقيت بالدهّشة مليانة العيون
ابقى قول : ما شفتهاش