شعر: صباح غريب
رجعالي ليه بعد السنين ؟
دا يادوب نسيت طعم الأنين
والصّبر نسّاني الحنين
لا ….دا أنتِي جاية تفكّري
راجعالي ليه؟
إزاي ها أمّنك ع اللي راح؟
همّا يادوب حبّة جراح
سابوكي فيّا تعلّمي
راجعالي ليه ؟
أزي ها أمنك ع اللي فات ؟
همّا يادوب بقوا ذكريات
خلوكي ليّا ترسمي
راجعالي ليه
راجعالي ليه بعد اللي كان ؟
لسّه حدوق طعم الهوان
اللي نسيته من زمان
هو أنتي لسّه حتبتدي
راجعالي ليه
راجعالي ليه تتغندري
أنتي نسيتي منّظري
والدّمعة واقفة تشتري
وأنتي بقسوة ترحلي
راجعالي ليّه
قلبي الضّعيف مبقاش ضعيف
والطفل أصبح مش أليف
أصل الفراق مبقاش مخيف
والحزن هو موّلدي
راجعالي ليه ؟
بسّ اصبري
أنا هاأمنك ع اللي فات
على اللي راح والذّكريات
حقبل رجوعك من سكات
حاعرض كرامتي في المزاد
لمّا ألاقي مشتري
ابقي احضري
ابقي احضر