بقلم: جان كرم
يا ألف رزءالله عا إيام الزغر
يا ألف رزءالله على عمر الورود
لما بصنارة حِكت خيط الضجر
حتى بدموع الأم حيكلك وعود
دوزنت أنغامي على ريشة وتر
حتى بسمفونيتي عبرت الحدود
وسافرت بظنوني على جناح ألنظر
وشبَّقت بجناحي الرياح بلا قيود
ولما بعمري شابت سنين الكبر
فكرت يا إبني إلي بحبك تجود
تركتني تا واجه سنين القدر
وهجرتني وبدل الوفا لقيت الجحود
فتشت تا لاقي على وجودك أثر
مشحّت قلبي بغيبتك مشحات سود
مش هيك يا إبني المصير المنتظر
تهجر الجابك عالدني وأرض الجدود
بغيبتك لو عرفت شو قاسي السفر
عندي وصية يا حبيبي بحبها
إياك حجرة ببير حبي تكبها
وقبل ما روحي تعود لربها
عالوطن يا ريت يا إبني تعود