شعر: صباح غريب
يسلم القلب اللي سافر
جوه قلبي في رحلتين
مرة يسعد بس قلبي
مرة يديني الحنين
يسلم القلب اللي أظهر
حبه ليا في دمعتين
عشقه ليا فهمستين
يسلم القلب اللي عارف
إن أنا ملك اليمين
وانه يملكني بحنانه
مش بيملكني بايدين
يسلموا
يسلموا دايما تملي
العيون السهرانين
اللي سهرهم غرامي
اللي سهرهم حنين
تسلم الفرحه اللى تسافر
بين عيونه مرتين
لما يسمع بس اسمي
لما تيجي العين ف عين
يسلم العمر اللي عايش
يفدي روحي في كل حين