شعر: صباح غريب
ليه تسكتي وأنا بتحرق ؟!
ماتقولي لااااا
ليه تسكتي وأنا باتسرق ؟ّ!
ماتقولي لاااا
ليه تسكتي وأنا باتشنق ؟!
متقولي لاااا
دا أنا يا أمي بانهزم لو م السكات
أنا بانهزم وأمشي في سكات
وسط البنات
متقولي لااااا
يمكن يا أمى يسمعك
اللي ظلم
واللي اتظلم
واللي صرخ في الظّلم لا
يمكن يا أمي يسمعك
اللي تايه في سكونه
واللي تاه وسط الحياة
متقولي لاااااااا
يمكن يا أمي يسمعك
اللي كسر
واللي انكسر
وماقالش لاااااا