شعر: رندة رفعت شرارة
بتذكُر عَ باب الدّار شو حكينا؟
وأديّش قلتلي بعد بكير..
ظلّك معي.. خلّي الزّمنْ يمشي..
ما شبعت منِّك، بعد بدّي كتير!!
بتذكر شو بكيوا عيوننا،
ونشفْ الدّمع..
وقلوبنا ذابتْ، متل عود الشّمع!!
ولمْ صار لازم فلّ،
قلتلي تعي..
نسكِّر علينا البابْ، ننسى هالوجعْ.
جاوبت لازم روح، ناطرني سرابْ!!
ان بدّك تعا نمشي سوا،
وننسى العذاب!!
يمّا وعدني نلتقي،
خلف الضّبابْ..
لمّا شي يوم بعود،
عأرض الحبابْ!!
ومن يومها،
شاحِت عيوني عَ الدّربْ،
ضاعْ الصّدى..
وسكّنتني خلف الغيابْ!!